За настанот
Програмата за зголемување на пазарната вработливост – ИМЕ на Швајцарската агенција за развој и соработка, во партнерство со Универзитетот за информатички науки и технологии „Св. Апостол Павле“- Охрид и Факултетот за туризам и угостителство – Охрид при Универзитетот „Св. Климент Охридски“- Битола организираат настан за презентација на дигитални решенија развиени од стартап, микро и мали ИКТ компании, кои се подобни за дигитализација на работењето на компаниите од секторот туризам.
На настанот ќе бидат презентирани дигитални производи и услуги во сегментот на е-резервации, е-плаќања, е-продавници, дигитално мени, дигитална рецепција, веб страници, дигитален маркетинг и промоција, управување со човечки ресурси, финансии и слично.
Учесници: На настанот се поканети да земат учество сите компании од секторот туризам кои се заинтересирани за дигитални решенија и дигитализација на нивните бизниси.
Време: Настанот ќе се одржи на 7-ми јуни 2022 година, со почеток во 11:00 часот.
Место: Настанот ќе биде организиран во просториите на Универзитетот за информатички науки и технологии „Св. Апостол Павле“- Охрид.
Пријавување: Пријавувањето се прави електронски преку пополнување Форма за регистрација. Сите заинтересирани учесници кои ќе ја пополнат Формата за регистрација ќе добијат потврда за присуство на настанот. За повеќе информации, ве молиме погледнете ја секцијата Пријавување.
Јазик: Работен јазик на настанот е македонски.
Агенда
| Време | Активност |
|---|---|
| 10:45 – 11:00 | Регистрација |
| 11:00 – 11:10 | Отворање на настанот |
| 11:10- 12:00 | Дел 1 – Панел дискусија на тема „Дигитализација – предуслов за развој на туризмот“
– Проф. Доцент д-р. Александар Карадимче, Декан на Факултетот за информатички и комуникациски науки при Универзитетот за информатички науки и технологии „Св. Апостол Павле“- Охрид – Проф. д-р. Цветко Андреески, Декан на Факултетот за туризам и угостителство – Охрид при Универзитетот „Св. Климент Охридски“- Битола – Д-р. Љупчо Јаневски, Директор на Агенција за промоција и поддршка на туризмот – Г. Лусиен Агертер, Заменик Амбасадор на Швајцарија во Република Северна Македонија |
| 12:00- 13:00 | Дел 2 – Презентација на дигитални решенија
Дигитален рецепционер – достапен 24/7 на повеќе јазици – CodeWell AI Дигитално мени, дигитализирана собна послуга – OrderThis Online продажба на туристички аранжмани – Merakzy Промоција преку виртуелна технологија – Tripoverse Е-продавници, веб-страници и дигитален маркетинг – Vendor Следење и менаџирање на возила, велосипеди, АТВ и други средства – Bransys EZtoTrack Софтвер за управување со човечки ресурси – Widnet HR Portal Е-финансии, е-фактури, е-трошоци – Fakturiraj.mk (GoEasy) |
| 13:00- 13:30 | Дел 3 – Предизвици на патот на дигитализација за секторот туризам
– Интерактивна сесија и дискусија со присутните гости од секторот туризам – Сесија за прашања и одговори |
| 13:30- 14:30 | Дел 4 – Коктел, вмрежување и Б2Б средби |
Дигитални решенија
Контакт
За повеќе информации, Ве молиме слободно контактирајте со:
Зоран Тодоровски- Експерт за Туризам во Програмата ИМЕ
е-маил: zoran.todorovski@thepalladiumgroup.com
Партнери
Настанот е организиран во партнерство со:
The project Increasing Market Employability (IME) is funded by the Swiss Agency for Development and Cooperation (SDC) and implemented by the Palladium Group.