ИМЕ Програмата останува посветена на континуираниот развој на агробизнис секторот во тесна соработка со водечките производители на свежо и преработено овошје и зеленчук, грозје и вино, со цел да го надградат бизнис моделот, да иновираат, да ги исполнат барањата и да бидат поконкурентни на регионалните и меѓународните пазари. Преку модалитетот за вклучување на приватниот сектор, ИМЕ работи заедно со агробизнисите во инвестиции за интегрирање и зајакнување на нивниот синџир на снабдување, зголемена отпорност и долгорочна одржливост, засилувајќи го нивното севкупно позитивно влијание низ севкупниот вредносен синџир.

Стратешки фокус

Нашата цел е да ги поддржиме земјоделските производители и преработувачи во снабдувањето со висококвалитетни производи на новите пазари, истовремено создавајќи пристојни работни места во руралните области. Партнерствата со органските и конвенционалните производители на овошје и зеленчук, преработувачите и производителите на вино се фокусираат на:

• Пристап до пазарите и подобрување на квалитетот и квантитетот на нивните производи. Производите и услугите ги задоволуваат барањата на меѓународните пазари.
• Подобро разбирање на принципите на животната средина што ги бараат меѓународните пазари, стекнување со меѓународни стандарди.
• Заедничко справување со секторските предизвици преку градење сојузи и партнерства.

• Застапување и ангажирање во јавно-приватен дијалог за политиките и локалниот економски развој.
• Идентификување и подобрување на постоечките, нови и/или подобрени механизми за финансирање за поддршка на развојот на агробизнисот.

Дигитализација

ИМЕ Програмата се фокусира на дигитална трансформација со цел агробизните да бидат подготвени да се прилагодат на технолошките трендови и да имплементираат иновативни дигитални решенија кои ќе им донесат поголема конкурентност. Преку партнерства со водечки агробизниси кои се добро упатени во воведувањето дигитални решенија, ИМЕ го фасилитира усвојувањето на дигитални алатки како што се ERP решенија за оптимално искористување на ресурсите, интегрирање сензори, употреба на беспилотни летала и GPS за прецизно земјоделство, развивање системи за рано предупредување, како и други дигитални алатки за донесување информирани одлуки врз база на податоци и автоматизација.

Зелена трансформација

Преку интервенции во секторот за одржлив агробизнис, посебен акцент ќе биде ставен на тоа дека малите и средни претпријатија (МСП) ги разбираат и усвојуваат зелените практики и ги имплементираат еколошките принципи што ги бараат меѓународните пазари. ИМЕ работи на стекнување со сертификатите Global GAP и GRASP, IFS, Organic и Bio Suisse; намалување на употребата на еднократна користена пластика; користење на компостирачки материјали за пакување; системи за управување со отпад итн.

Илустративни примери

• Сладок успех: Како ангажманот на приватниот сектор го поттикнува производството на лубеница без семки
• Интервју со Сердар Кајнар – Постои голем потенцијал за производство на калинка во Валандово
• Еколошки и одржлив пристап во одгледувањето чери пиперчиња – Аграр Ко
• Македонскиот лешник ќе се извезува во Швајцарија
• Здружен и одржлив пристап во Северна Македонија

За повеќе информации, ве молиме контактирајте нѐ на ContactIME@thepalladiumgroup.com