Одлична можност да научите и да стекнете практични вештини за управување со човечките ресурси како клучен фактор за зголемена продуктивност и раст на вашиот бизнис.

Со задоволство ве покануваме да се пријавите на Програмата:

„РАСТ на бизнисот преку РАЗВОЈ на вработените“

За Програмата

Програмата  има за цел да ја истакне улогата на човечкиот капитал и важноста на инклузивните политики и практики за човечки ресурси како алатка за одржлив развој на компаниите. Оваа Програма нуди директна поддршка на малите и средните компании во Македонија во областа на управувањето со човечките ресурси. Базирана е на реални искуства и најдобри светски практики и методологии. Програмата истотака поттикнува воспоставување инклузивни практики за управување со човечките ресурси, со фокус на менторството и коучингот на новите вработени.

Програма “LEARN2GHROW” или „РАСТ на бизнисот преку РАЗВОЈ на вработените” ќе се реализира во периодот октомври 2021- јануари 2022 година.

Партиципацијата на компаниите во Програмата “LEARN2GHROW” е ко-финансирана од Швајцарската Агенција за развој и соработка (SDC) преку Проектот за Зголемување на пазарната вработливост (ИМЕ) и Проектот Образование за вработување (Е4Е).

Вкупната сума за учество на програмата е 149.000 ден. Kомпанијата плаќа само 53.000 ден + ДДВ, директно на компаниите спроведувачи на Програмата.

За повеќе детали контактирајте ги лица:

• Наташа Ивановска – natasa.ivanovska@insight.mk; 078 44 99 23
• Биљана Велевска – biljana@impulsi.com.mk; 070 25 28 12

Аплицирањето на програмата може да го направите со пополнување на следниот Формулар!

Цели на Програмата

• Забрзување на процесите на вклопување на нови вработени во тимот, со фокус на инклузија на млади и жени
• Зголемување на ангажираноста и учинокот
• Намалување на обртот на вработени/ повисок процент на задржување
• Раст на бизнисот низ финансиски индикатори

Кој може да се пријави?

Програмата е наменета за сите компании кои имаат визија за развој и утврдени потреби за стручна поддршка за управувањето и развојот на вработените, а ги исполнуваат слeдниве услови:

• Компании со македонска сопственост (со основачки удел е над 51%)
• Постоење на компанијата над 3 години
• Број на вработени минимум 20
• Годишен обрт над 1.000.000 денари, во последната фискална година
• Капацитет да назначат до 3 лица за активно учество во проектот и спроведување на активностите во компанијата, од кои:
  • едно лице е на ниво на носење одлуки (сопственик, менаџер на ЧР и сл)
  • минимум две лица кои ќе обучуваат за интерни ментори по програмата за менторство на нови вработени, избрани според зададени критериуми

Што добивате?

• Можност да ги истакнете специфичните предизвици со кои се соочувате, преку директна длабинска проценка на потребите на секоја компанија
• За секоја компанија, содржина на програмата скроена според реалните потреби и промени.
• Практично искуство и вештини за сите учесници преку работа на практичен пример на вовед на вработен на нова позиција или развој на постоечки вработен за проширување на опсегот на неговата работа/подобрување во конкретна област од постоечкиот опсег.
• Менторски персонализирани еден на еден сесии со искусни ментори/обучувачи.
• Стручна обработка на специфични прашања од реализацијата на менторската програма со конкретниот вработен, како и прашањата произлезени од практичната работа, личните предизвици на менторот во работата со вработениот, стилот на менторирање итн.
• Поврзување со Универзитети за полесен и поефикасен начин на обезбедување вработени.
• Шанса за млади дипломирани лица да се ангажираат преку организирана менторска програма и побрзо да се вклопат во компаниите.

HR Експерти

Контакт

За повеќе информации, Ве молиме слободно контактирајте со:

Организатори

Спроведувањето на Програмата е поддржано од: